میرے کریم کرم تو نے بے شمار کیا

میرے کریم کرم تو نے بے شمار کیا

مجھے غلام اُسے (اُنھیں) میرا شہریار کیا

بلا کے عرش پہ حق نے تجھے شب معراج

تیرے سپرد خدائی کا اقتدار کیا

فلک پہ شہرہ ہوا تیری آمد آمد کا

سلام جھک کے فرشتوں نے بار بار کیا

یہ کج گناہ تو اپنوں کے دل نہ جیت سکے

تیرے خلوص نے دشمن کا دل شکار کیا

برب کعبہ غریب و یتیم بچوں سے

حسن حسین کی مانند تو نے پیار کیا

خدا کا شکر کہ مثل کبوتران حرم

طواف میں نے دل در کا بار بار کیا

خزاں نے اشک بہائے جب اپنی قسمت پر

تو مصطفیٰ نے کہا جا تجھے بہار کیا

گھٹا دیا تیری ہیبت نے قد رعونت کا

عدو پہ گفت پہ فرعونیت پہ وار کیا

نصیر تابہ ابد تاج گل امر ٹھہرا

وہ دین حق جو محمد نے آشکار کیا

عرش فرش پر آقا آپ کے اُجالے ہیں

عرش فرش پر آقا آپ کے اُجالے ہیں

میرے جیسے لاکھوں ہی آپ نے سنبھالے ہیں

کون سا میں زاہد ہوں کون سا میں ساجد ہوں

آپ کا حوالہ ہے  ہم آپ کے حوالے ہیں

مر مٹے ہیں جو اُن پر اُن کو ہی میرے آقا

سینے سے لگاتے ہیں گورے ہیں یا کالے ہیں

تپتی ریت پر دیکھو بلال نے پڑھا کلمہ

آپ کے غلاموں کے کام ہی نرالے ہیں

کسی اور در پہ جائے ضیاء سوچ بھی نہیں سکتے

آج تک جو کھائے ہیں وہ آپ کے نوالے ہیں

اہلِ نظر کی آنکھ کا تارا علی علی

اہلِ نظر کی آنکھ کا تارا علی علی

اہلِ وفا کے دل کا سہارا علی علی

رحمت نے لے لیا مجھے آغوشِ نور میں

میں نے کبھی جو رو کے پکارا علی علی

اِک کیف اک سرور سا رہتا ہے رات دن

جب سے ہوا ہے ورد ہمارا علی علی

دنیا میں سب سے عالی گھرانے کے نور ہو

اس واسطے ہے نام تمہارا علی علی

اعظم یہ مغفرت کی سند ہے ہمارے پاس

ہم ہیں علی کے اور ہمارا علی علی

Lyrics Ahle Nazar Ki Ankh Ka Tara Ali Ali

Ahle Nazar Ki Aankh Ka Tara Ali Ali 

Ahle Wafa K Dil Ka Sahara Ali Ali

Rehmat Ne Le Liya Mujhe Agoshe Noor Mein

Main Ne Kabhi Jo Ro K Pukara Ali Ali

Ik Kaif Ik Suroor Sa Rehta Hai Raat Din

Jab Se Huwa Hai Wird Hamara Ali Ali

Dunya Mein Sab Se Aali Gharane Ke Noor Ho

Is Waaste Hai Naam Tumhara Ali Ali

Azam Ye Maghfirat Ki Sanad Hai Hamare Paas

Ham Hain Ali K Or Hamara Ali Ali

شمعِ دیں کی کیسے ہوسکتی ہے مدہم روشنی

شمعِ دیں کی کیسے ہوسکتی ہے مدہم روشنی
بزمِ طیبہ میں برستی ہے جھما جھم روشنی

خاکِ پائے شاہ کو سرمہ بنالیتا ہوں میں
میری آنکھوں میں کبھی ہوتی ہے جب کم روشنی

نورِ مطلق کے قریں بے ساختہ پہنچے حضور
روشنی سے کس قدر ہوتی ہے محرم روشنی

نقشِ پائے شہہ کی ہلکی سی جھلک ہے کارگر
کیسے ہوسکتی  ہے مہر و مہ کی مدہم روشنی

پانی پانی ہو ابھی یاد شہ کل میں صبیح
میرے اشکوں کی جو دیکھے چاہِ زم زم روشنی

اب کہاں جاؤں تڑپ کے دل کی یہ خواہش نکال

اب کہاں جاؤں تڑپ کے دل کی یہ خواہش نکال 

اے مدینے کی زمیں میری بھی گنجائش نکال

بارگاہ مصطفیٰ میں دل سے یہ آئی صدا

آج کی تاریخ سے تاریخ پیدائش نکال

پیش کردینا قمر سرمایہ نعتِ نبی

حشر میں جب حکم ہوگا نامۂ پرسش نکال

بڑھے جو کرکے وہ سوئے شہ انعام سلام

بڑھے جو کرکے وہ سوئے شہ انعام سلام

صدائیں آتی تھیں ہر سمت سے سلام سلام

بڑا ہجوم تھا طیبہ کی پہلی منزل پر

کھڑے تھے راہ میں کرنے کو خاص و عام سلام

چلے حسین جو طیبہ سے کربلا کی طرف

جہاں پہنچتے تھے کرتا تھا وہ مقام سلام

زمینِ منزل مقصود نے قدم چومے

فلک نے دور سے جھک کر کہا امام سلام

شاہ وہ جنہیں سب شاہ شاہ کہتے ہیں

امام وہ جنہیں کرتے ہیں سب امام سلام

اُنہیں سلام منور یہ چاہتا ہے جی

تمام عمر لکھوں اور نہ ہو تمام سلام

حُدود طائر سدرا حضور جانتے ہیں

حُدود طائر سدرا حضور جانتے ہیں

کہاں ہے عرشِ معلیٰ حضور جانتے ہیں

پہنچ کے سدرہ پہ روح الامین یہ بولے

کہ اس سے آگے کا رستہ حضور جانتے ہیں

بروز حشر شفاعت کریں گے چن چن کر

ہر اک غلام کا چہرہ حضور جانتے ہیں

بروز حشر شفاعت کریں گے آپ لیکن

اگر ہوا یہ عقیدہ حضور جانتے ہیں

بلا بھی سکتے ہیں آپ اور آ بھی سکتے ہیں

کہ دوریوں کو مٹانا حضور جانتے ہیں

اُنہیں خبر ہے کہیں سے پڑھو درود اُن پر

تمام دہر کا نقشہ حضور جانتے ہیں

میں اس یقین سے نکلا ہوں جانبِ طیبہ

میرے سفر کا ارادہ حضور جانتے ہیں

قیامت آئے گی کب اُن کو علم ہے سرور

ظہورِ کن کا بھی لمحہ حضور جانتے ہیں